CURSO SOBRE CULTIVO DE COGUMELOS

DATA: Tódolos luns de 19 a 20 horas

LUGAR: Centro Social A Hedreira . Rúa Catasol 17, Lugo

 

 Rico cogumelo ostra medrando en palla

Neste curso, que será gratuíto, poderás aprender o básico para o cultivo de cogumelos, a partir de esporas ou directamente dende cachos do sombreiro.

É un curso de iniciación ó cultivo, no que se utilizarán métodos simples e baratos que calqueira pode realizar na súa casa.

Aprenderemos a producir "micelio en gran" que é a "semente" que se utiliza para o cultivo de cogumelos como o champiñón, o shiitake ou o cogumelo ostra.

Micelio en gran

Tamén cultivaremos sobre sustratos como cartón, palla ou borras de café, aprendendo a reciclar estes residuos e convertilos en ricos cogumelos.

Cogumelo ostra medrando sobre cartón e borras de café

Traballaremos con Pleurotus ostreatus (cogumelo ostra) por ser un cogumelo fácil e rápido de cultivar, mais a metodoloxía empregada é válida para case calquera fungo.

Este curso tamén pretende ser unha ferramenta coa que poder asomarnos ó incrible mundo dos fungos e das súas implicacións nos ecosistemas, así como moitos usos moi interesantes para a humanidade como a biorremedación, fabricación de novos materiais, alimentación, medicinas, etc...

Non son necesarios coñecementos previos sobre o tema, e ademáis, utilizarase unha metodoloxía fluída, que facilita que te incorpores cando queiras ó curso e que veñas cando queiras.

Vémonos!